कांद्याचे एकरी सरासरी उत्पादन किती आहे? 

कांद्याचे सरासरी एकरी उत्पादन

✅कांद्याचे एकरी सरासरी उत्पादन हे योग्य प्रकारे फवारणी नियोजन, खत नियोजन याचबरोबर लागवडीचा प्रकार एकरी रोपांची संख्या यावर अवलंबून आहे.
✅कांदा पिकाच्या एका रोपाला जमिनीमध्ये एकच कांदा तयार होतो. ज्याचे वजन हे सरासरी 80 ते 140 ग्रॅम च्या दरम्यान असते.त्यामुळे एकरी रोपांची संख्या कांदा उत्पादनावर थेट परिणाम करतो.
✅लागवड जर सारा पद्धतीने केली व दोन कांदा रोपांमधील अंतर 10Cm ठवले व दोन रोपांच्या ओळींमधील अंतर 10 Cm ठवले तर एकरी 2.5 ते 3 लाख रोपे लागतील व एका रोपापासून मिळणाऱ्या कांद्याचे वजन हे जर सरासरी 80 ते 100 ग्रॅम असेल व रोपमर व इतर कारणांमुळे रोपांमध्ये 5% घट धरली तर एकरी 20 ते 25 टन  एवढे उत्पादन मिळते.
✅लागवड जर गादीवाफा पद्धतीमध्ये केली असेल व गादीवाफे हे बसके व उथळ म्हणजेच पसरट सोडले असतील तर  2.5 फुटाचा टॉप म्हणजेच गादीवाफ्याची वरची बाजू मिळते व त्यावर 10 Cm असे दोन रोपांमधील अंतर ठेवले व दोन्ही  ओळींमधील अंतर 10 Cm ठेवले तर एकरी 2 ते 2.5 लाख रोपे मिळतात.  एका कांद्याचे वजन 100 ते 120 ग्रॅम मिळाले तर 20 ते 25 एवढे गादीवाफ्यावर मिळते.

 सारा पद्धत – एकरी 2.5 ते 3 लाख रोपे – एका कांद्याचे वजन 80 ते 100 ग्रॅम – एकरी सरासरी उत्पादन 20 ते 25 टन
गादी वाफा पद्धत – एकरी 2 ते 2.5 लाख रोपे – एका कांद्याचे वजन 100 ते 120 ग्रॅम – एकरी सरासरी उत्पादन 20 ते 25 टन